“Baku Steel Company” QSC Yeni il bayramı ərəfəsində uşaqlara unudulmaz sevinc bəxş edib. Belə ki, bu il də bayram münasibətilə şirkətdə çalışan yüzlərlə əməkdaşa onların övladları və nəvələri üçün xüsusi hazırlanmış hədiyyələr paylanıb.
Bundan əlavə, valideyn himayəsindən məhrum uşaqlar da diqqətdən kənarda qalmayıb. Şirkətin nümayəndələri tərəfindən uşaq evləri və sığınacaqları ziyarət edilərək ümumilikdə 230-dan çox uşaq üçün bayram şənliyi təşkil olunub, hədiyyələr təqdim olunub.